Güfte Nâbî'ye âit olabilir mi?
Bir devlet içün çarhe temennâdan usanduk,
Bir vasl içün agyâra müdârâdan usanduk.
Hicrân çekerek zevk-i mülâkâtı unutduk,
Mahmûr olarak lezzet-i sahbâdan usanduk.
Düşdük katı çok heves-i vuslata ammâ,
Ol dâ’iye-i dağdağa-fermâdan usanduk.
Dil gamla dahı dest ü girîbândan usanmaz,
Bir yâr içün agyâr ile gavgâdan usanduk.
Nâbî ile ol âfetün ahvâlini nakl it,
Efsâne-i Mecnûn ile Leylâ’dan usanduk.
Nâbî Divânı / Ali Fuat Bilkan, İstanbul 1997/ Sayfa 756
