Gazelin tamâmı şöyle:
Açıldı bâğçe-i reng ü bûda bâr-ı bahâr
Pür etdi gülşeni hep tuhfe-i diyârı bahâr
Nihâlin ağzı köpürdü şükûfe zannetme
Cihânı eyledi dîvâne cûybâr-ı bahâr
Sadef değildir eder çâk zehre-i bahrı
Figân-ı aşk ile ebr-i güher-nisâr-ı bahâr
Esirdi cûş-ı mahabbetle ehl-i sevdâ hep
Dimagâ bûy-ı cünûn verdi rûzigar-ı bahâr
Nigâh-ı dîde-i hûnbâr-ı aşk kimyâdır
Füyûz menba'ıdır subh-ı pür-nigâr-ı bahâr
Çemen bir allı yeşilli kumâş-ı dibâdır
Ki târ ü pûdu reg-i ebr-i dest kâr-ı bahâr
Değil mukâbil-i gülbûs-ı hatt-ı la'l-i bana
Ger olsa gonce-i hurşîd yâdgâr-ı bahâr
Geçer bu devr-i gül ü mül hemân güler yüzdür
Çemende meclîs-i işretde ber-güzâr-ı bahâr
Zemîni tâzeledi feyz-i hâme-i Gâlib
Egerçi köhnedir eş'âr-ı âbdâr-ı bahâr
Mefâilün/ feilâtün/ mefâilün/ feilün
