Güfte şairi
Nedim imiş.
106
1. Ne mümkin dîde giryân olmak ol ebrû-kemânımdan
Akarsa âb-ı peykân çeşm-i zahm-ı hun-feşânımdan
2. Giderse cân u dil hayretle cism-i nâ-tüvânımdan
Perî-zâd-ı hayâlin çıkmaya âyîne-dânımdan
3. Aceb mi kebk-i şâhin-dîde veş dil pîç ü tâb olsa
Süzüp ol nergis-i pürkârı bir kez geçdi yanımdan
4. Gerekse nîk ü ger bed âşıkım ol Türk-i mağrûra
Ne söyler zâhide hâsıl ne yahşı ne yamanımdan
5. Beni handân olur zannetme kasd-ı işret etdikçe
Eder der-yûze-i hun-dîde câm-ı erguvânımdan
6. Çekildim yâ kaşından câm-ı laʿl-i yârdan geçdim
Beni taʿn-ı adû billah bîzâr etdi cânımdan
7.
Nedîmâ nazm-ı hûnin sanma yâd-ı tîğ-i ebrûsu
Düşürdü bir ciger pergâlesin tarf-ı zebânımdan
Kaynak:
https://ekitap.ktb.gov.tr/Eklenti/56214,nedim-divanipdf.pdf?0 syf. 252
