Gazelin tamâmı şöyle:
Hicr-i lebinde yârin bir dil ki oldu nâ-hoş
Cem sunsa gönlün etmez câm-ı cihân-nümâ hoş
Kadd-i bülendine ben olsam dedim hevâ-dâr
Salındı dedi cânân benden yana hevâ hoş
Bak müşg-i zülf-fâmın gör câm-ı la'l'i nâbın
Sünbül-sitânda hoşdur sahbâ-yı dil-güşâ hoş
Dilber demiş visâlim nakd-i hayâta mevkûf
Tut hâtır-ı hazînin ey cân-ı mübtelâ hoş
Lutf-ı sühân Nazîmâ ancak olur olursa
Lehce bülend ü tâze ta'bîr-i pâk-edâ hoş
Mef'ûlü/ fâ'ilâtün/ mef'ûlü/ fâ'ilâtün
